مباراه قطر وسويسرا غداً.. اختبار صعب للعنابي قبل كأس العالم 2026
بكرة الساعة 8 مساء بتوقيت القاهرة، منتخب قطر هيلاعب سويسرا ودياً. ماتش شكله على الورق “تجربة”، بس على الحقيقة هو اختبار دم ونار للعنابي.
ليه؟ عشان سويسرا مش أي فرقة. الناس دي عقدة ألمانيا وفرنسا في اليورو. بيلعبوا كورة منظمة، بدني عالي، ودماغهم باردة. قطر لو عدت من الماتش ده من غير فضايح، يبقى المدرب لوبيز ماشي صح.
1. سويسرا جاية مصر ليه؟
السويسريين داخلين على تصفيات كأس العالم 2026، وعايزين يحتكوا بفرق من بره أوروبا. اختاروا قطر عشان أسلوبها قريب من فرق آسيا اللي ممكن تقابلهم في المونديال.
مدربهم ياكين راجل عملي. مش بتاع فنيات كتير. 4-2-3-1، قفل، مرتدة، جول. عندهم 3 لعيبة لو مسكتهم الماتش خلص:
جرانيت تشاكا: ده مخ سويسرا. بيلعب في ليفركوزن دلوقتي ومولع. لو سابته يباصي براحته، هيفك دفاعك بكورة واحدة.
بريل إمبولو_ مهاجم سريع وقوي. مدافعين قطر هيتعبوا معاه عشان جسمه تقيل ومبيعرفش يقع.
يان سومر: الحارس. ده لوحده فرقة. تصدياته في اليورو اللي فات كانت بتجيب جلطة.
من الآخر، سويسرا جاية تجرب تشكيلها الأساسي. مش جاية تفسح.
*قطر يا تري هيكون ايه مصيرها في الماتش دا
العنابي بعد كأس العالم 2022 دخل في مرحلة “احنا مين؟”. خسرنا من الأردن، ومن أوزبكستان، والمستوى نازل. لوبيز ماسك الفرقة من قريب وعايز يرجع هيبة 2019.
عشان كده الماتش ده مهم نفسياً قبل ما يكون فنياً. لو اللعيبة نزلت خايفة من اسم سويسرا، هنشيل 3.
الحل عندي في 3 نقط:
أولاً: نص الملعب هو المفتاح
عندنا عاصم مادبو وبيدرو ميجيل. الاتنين رجالة وبيقطعوا كويس. بس لو لعبوا قدام تشاكا لوحدهم هيتعبوا. لازم أكرم عفيف ينزل يساعدهم. أكرم مش وينج بس، لازم يبقى لاعب نص ملعب تالت وقت الدفاع.
ثانياً: الأطراف سلاحنا الوحيد
سويسرا باكاتها كبار في السن. رودريجيز 32 سنة. السرعة هتفرق. أكرم عفيف والمعز علي لو لعبوا على الطرف وجرّوا الباك، هنعمل خطورة. العرضيات اللي بالهبل دي مش هتنفع مع سومر. لازم وان تو واختراق.
ثالثاً: بلاش استحواذ سلبي
غلطة قطر دايماً. نمسك كورة 70% ونلف حوالين بعض. سويسرا بتحب كده. بتقفل وتستناك تغلط. العنابي لازم يلعب مباشر. كورة من لمستين وتشوط. حتى لو جت في العارضة. المهم توترهم.
3. التشكيل المتوقع وتوقعي الشخصي
لوبيز غالباً هيلعب 4-3-3 عشان يقفل نص الملعب:
المشعل في الجول
رو-رو، بيدرو، الخاطر، سلطان دفاع
عاصم، بيدرو ميجيل، فتحي نص ملعب
اكرم، المعز، أحمد علاءهجوم
بس أنا لو مكان لوبيز هلعب أكرم مهاجم وهمي وأنزل يوسف عبد الرزاق طرف. عشان السرعة.
_توقعي للماتش
هقولهالك بصراحة. سويسرا أقوى فردي وجماعي. بس قطر على أرضها وبين جمهورها. لو اللعيبة رجالة، الماتش هيخلص 1-1 أو 2-1 لسويسرا.
المهم مش النتيجة. المهم الشكل. لو شوفنا قطر بتضغط وبتجري وبتقاتل على كل كورة، يبقى احنا كسبانين حتى لو خسرنا المهم روح القتاليه في الماتش واعتقد عندهم روح
_سؤال لجمهور العنابي
انت شايف مين يبدأ أساسي بكرة؟ المعز علي ولا أحمد علاء؟ ومين يقدر يوقف تشاكا؟ اكتبلي في الكومنتات عشان نتخانق سوا قبل الماتش
القنوات الناقلة ،الماتش هيتذاع على قناة الكاس الرياضية، والمعلق غالباً هيكون خليل البلوشي.
الكل منتظر يشوف الفريق العنابي هل هيادي في الماتش ولا لا واكيد هيكون متفوق.